منتدى مجلس الزهراء عليها السلام

عزيزي الزائر اذا كنت عضو (ة)فسجل دخول واذا كنت زائر وتحب الاشتراك فباذر بذالك
منتدى مجلس الزهراء عليها السلام

مشاركاة فرقة نجاة الزهراء


    يا يوم أشوف أعتابك

    شاطر
    avatar
    قمر 14
    موالي نشيط
    موالي نشيط

    عدد المساهمات : 54
    نقاط : 146
    تاريخ التسجيل : 02/08/2009
    الموقع : مجلس الزهراء عليها السلام

    يا يوم أشوف أعتابك

    مُساهمة من طرف قمر 14 في الخميس 1 أكتوبر - 5:24:19

    يا يوم أشوف أعتابك

    الشاعر: جابر الكاظمي
    الرادود: باسم الكربلائي

    للاستماع


    يا يوم أشوف أعتابك .. أوقف حزين ببابك
    وارجع أزورك يا حيدر .. وارجع أزورك
    طوّل عليه غيابك .. مشتاق أشم ترابك
    وارجع أزورك يا حيدر .. وارجع أزورك
    آنه الهويتك .. لا تظن نسيتك

    علي وهذا الاسم يسري بشراييني .. نبع يالما تمل شوقك رياحيني
    عتب وياك عندي يراوح بعيني .. يمن فرقاك كدّر صفوة سنيني
    أريد أحجي بصراحة وياك خليني .. أخاف مكدرات الجو تنسيني

    يا بالحسن ما تدري .. صرت اشتريها بعمري
    شوفت ضريحك يا حيدر .. شوفت ضريحك
    من الفرقة نافذ صبري .. وظلت تعيش بفكري
    شوفت ضريحك يا حيدر .. شوفت ضريحك
    بروحي اشتريتك .. لا تظن نسيتك

    يا يوم أشوف أعتابك .. أوقف حزين ببابك
    وارجع أزورك يا حيدر .. وارجع أزورك
    طوّل عليه غيابك .. مشتاق أشم ترابك
    وارجع أزورك يا حيدر .. وارجع أزورك
    آنه الهويتك .. لا تظن نسيتك

    عشت أعوام يمك يا ربيع الحي .. أنا ماعوفك جنت مثل الجُرف والماي
    لو صرت بهجير أقصد إلك يا في .. ولو ليلي وقت دلهم أشوفك ضي
    غصب من جنتك طلعوني أهل الغي .. وخلوني أظل لا ميت ولا حي

    من جنتك حرموني .. برجوة أمل خلوني
    كل فكري يمك يا حيدر .. كل فكري يمك
    عنك غصب بعدوني .. أمشي وأدير عيوني
    كل فكري يمك يا حيدر .. كل فكري يمك
    عشت بثنيتك .. لا تظن نسيتك

    يا يوم أشوف أعتابك .. أوقف حزين ببابك
    وارجع أزورك يا حيدر .. وارجع أزورك
    طوّل عليه غيابك .. مشتاق أشم ترابك
    وارجع أزورك يا حيدر .. وارجع أزورك
    آنه الهويتك .. لا تظن نسيتك

    مو بيدي غصب عفتك يبو الحسنين .. وعنك رحت أتلفت وأدير العين
    قلت هالفرقة بالميت شهر شهرين .. طالت يا علي لا سنة ولا سنتين
    أناشد عالصبر ما أدري دربه منين .. خذن ثلثين حيلي مخلفات البين

    دنيايه نفرت عني .. وحتى الصبر مل مني
    مشتاق أشوفك يا حيدر .. مشتاق أشوفك
    أغفى بوسادة ظني .. وأصحى على دمعي ووني
    مشتاق أشوفك يا حيدر .. مشتاق أشوفك
    ياما نخيتك .. لا تظن نسيتك

    يا يوم أشوف أعتابك .. أوقف حزين ببابك
    وارجع أزورك يا حيدر .. وارجع أزورك
    طوّل عليه غيابك .. مشتاق أشم ترابك
    وارجع أزورك يا حيدر .. وارجع أزورك
    آنه الهويتك .. لا تظن نسيتك

    البعد شيبني يا من فرقتك كلفة .. وجرح شوقي غميج وما وقف نزفه
    ليالي الظيم باقن بسمة الشفة .. وسنيني انقضت بالحسرة واللهفة
    لجن بعده الأمل بالروح ما يخفى .. وأحس روحي بعدها لهالوقت ترفة

    من عيني ينزف موحي .. وآنه بترافة روحي
    أرسم خيالك يا حيدر .. أرسم خيالك
    هالحبر دم جروحي .. وصرت بصحيفة نوحي
    أرسم خيالك يا حيدر .. أرسم خيالك
    بروحي لقيتك .. لا تظن نسيتك

    يا يوم أشوف أعتابك .. أوقف حزين ببابك
    وارجع أزورك يا حيدر .. وارجع أزورك
    طوّل عليه غيابك .. مشتاق أشم ترابك
    وارجع أزورك يا حيدر .. وارجع أزورك
    آنه الهويتك .. لا تظن نسيتك

    بخيالك عايش من سنين وأتحسر .. ولا أدري مصيري شلون يا حيدر
    صرت ما أشعر بطعم البرد والحر .. وإذا نسمة هوا تزاحمني أتكدر
    جمر ظيمي بصميم حشاي يتوجر .. وبعيني غدت عبراتي تتكسر

    ما عندي غفوة بنومي .. ولا صحوة تجلي همومي
    حيّرني بعدك يا حيدر .. حيّرني بعدك
    مامش سعد بنجومي .. ولا فرحة تسعد يومي
    حيّرني بعدك يا حيدر .. حيّرني بعدك
    ترحمني ريتك .. لا تظن نسيتك

    يا يوم أشوف أعتابك .. أوقف حزين ببابك
    وارجع أزورك يا حيدر .. وارجع أزورك
    طوّل عليه غيابك .. مشتاق أشم ترابك
    وارجع أزورك يا حيدر .. وارجع أزورك
    آنه الهويتك .. لا تظن نسيتك

    يا وهجة عشق ناغت خلايا الدم .. إخلافك عمري ذرة وضايعة بمنجم
    بغيرك شمل روحي ما بعد يلتم .. يبو الحسنين أنت الجرح والبلسم
    يا يوم أوصلك وأكشف سحاب الهم .. وأنفض يم ضريحك كل غبار الهم

    يا يوم أصل يم قبرك .. وأنصب مناحة بكترك
    وأبجي لمصابك يا حيدر .. وأبجي لمصابك
    يالما صفا لك دهرك .. أذكر مرارة صبرك
    وأبجي لمصابك يا حيدر .. وأبجي لمصابك
    وأذكر رزيتك .. لا تظن نسيتك

    يا يوم أشوف أعتابك .. أوقف حزين ببابك
    وارجع أزورك يا حيدر .. وارجع أزورك
    طوّل عليه غيابك .. مشتاق أشم ترابك
    وارجع أزورك يا حيدر .. وارجع أزورك
    آنه الهويتك .. لا تظن نسيتك

    أتمنى مثل هاليوم جنت هناك .. وأجدد يم ضريحك هالعهد وياك
    وأنصب مأتم على مصابك وأنعاك .. وون ون الثكالى لفقدك وفرقاك
    لاجن ما نسيتك عايش بذكراك .. ضميري من البعد يا بالحسن ناداك

    بين الدمع والحسرة .. أذكر لهيب الطبرة
    يصعب مغيبك يا حيدر .. يصعب مغيبك
    من عيني تجري العبرة .. وبين الجوانح جمرة
    يصعب مغيبك يا حيدر .. يصعب مغيبك
    بالهم بجيتك .. لا تظن نسيتك

    يا يوم أشوف أعتابك .. أوقف حزين ببابك
    وارجع أزورك يا حيدر .. وارجع أزورك
    طوّل عليه غيابك .. مشتاق أشم ترابك
    وارجع أزورك يا حيدر .. وارجع أزورك
    آنه الهويتك .. لا تظن نسيتك
    avatar
    محمد الحكيم
    موالي نشيط
    موالي نشيط

    عدد المساهمات : 184
    نقاط : 415
    تاريخ التسجيل : 03/09/2009
    العمر : 22
    الموقع : مجلس الزهراء عليها السلام

    رد: يا يوم أشوف أعتابك

    مُساهمة من طرف محمد الحكيم في الخميس 1 أكتوبر - 5:35:37

    مشكور اخوي قمر 14 على القصيدة الحلوة
    الله يوفقك الى عمل الخير دائما بأذن الله
    الله يرحم والديك انشاء ويرحم المؤمنين والمؤمنات

      الوقت/التاريخ الآن هو الثلاثاء 16 أكتوبر - 7:41:18