مشوار الحب لرادود باسم الكربلائي

مشوار الحب و الآمال تابعت دروبة...قلبي العاشق و الميال عبد لمحبوبة
بالمحشر يوم الخوف مغفورة ذنوبة...بولاية اهل البيت مقبولة التوبة
*****

واضح طريق الايمان..والواضح ما يتأول
لمن ينص القرآن..قول الله ما يتبدل
يوم الغدير المعروف..آيات بي تتنزل
معناها حيدر يا شاك..مو رابع هو الاول
*****

يا محلى براس الكرار تاج الامارة...فاق البشر بآياتة و سجل صدارة
للحبة و الوالاه جنة مكتوبة... بولاية اهل البيت مقبولة التوبة
*****

معشر امام المرسول..كل ساعة بيهم يحدي
و يعددهم بالاسماء..من حيدر حتى المهدي
يا شاك كل شي مذكور..غض البصر ما يجدي
بلياهم يا جنة تريد..خلك صريح و جدي
*****

اثنعشر امام و تشهد كل المساند..عددهم لاون تقدر كافي تعاند
بس عدنا هالاطهار اثنعشر محسوبة.. بولاية اهل البيت مقبولة التوبة
*****
دروب النجاة و كل خير..ينبع لطف من عدهم
عالامة صاروا اسياد..و المصطفى سيدهم
الله رفعهم عالناس..لاون دعوا ما يردهم
باب الشفاعة المقفول..مفتاحة حطها بيدهم
*****

محبتهم نور من الله تهطل علينا..و على بحور الاهوال حبهم سفينة
شمس و حاشاها بغيمات تبقى محجوبة.. بولاية اهل البيت مقبولة التوبة
*****

من فطرتي لهذا اليوم..ماضي بطريق الهادي
واهل الامام الاكرام..هم عزوتي و اسيادي
بالؤلى هم درب الفوز..بالآخرة امجادي
من شفهم اشرب كوثر..و اروي دليلي الصادي
*****

ربي يحشرني ويا الآل شيعي بدربهم..لني اقسمت بكل حال ما انسى حبهم
حبهم اصل الايمان مو حب العوبة.. بولاية اهل البيت مقبولة التوبة
*****